Италияда биринчи марта икки жуфт бир тухумли эгизаклар дунёга келди, деб хабар бермоқда The Local нашри. Таъкидланишича, бундай ҳолат Италияда, эҳтимол бутун Европада ҳам биринчи марта юз берди.

Эгизакларни дунёга келтирган Мари Антоньетта исмли аёл ва унинг турмуш ўртоғи Андреа икки ўғил бола ва икки қиз бола эгизакларнинг ота-онаси бўлдилар. Аёл экстракорпорал уруғлантириш орқали ҳомиладор бўлган. Экстракорпорал уруғлантириш сунъий уруғлантириш усули бўлиб, унда аёлдан тухум олиниб, у сунъий усулда пробиркада уруғлантирилади. Ҳосил бўлган ҳомила инкубаторда ривожланиш учун 2-5 кун ушлаб турилади ва шундан кейин келгуси ривожланиши учун бачадон ичига ўтказилади.

Жуфтликка бир жуфт эгизакларни қолдириш тавсия қилинди, бироқ улар аборт қилишни рад этишди ва Генуядаги Жаннин Гаслини институти болалар шифохонасига мурожаат қилишди.

Аёл ҳомиладорлигининг 31-ҳафтасида кўзи ёриди.

Аёл ҳомиладорлигининг 31 ҳафтасида кўзи ёриди. Эгизаклар кесарча кесиш усули билан дунёга келдилар. Болаларнинг вазни кичик бўлганига қарамасдан, уларнинг барчаси соғлом туғилган.