Қишлоқ жойлардаги санитария ҳолатини яхшилаб олиши учун Ҳиндистон Жаҳон банкининг 1,5 миллиард долларлик кредитини олмоқда. Бу ҳақда банк сайтида маълум қилинди.

Дастурдан кўзланган мақсад қишлоқларда яшаётган аҳолининг гигиенага бўлган муносабатини ўнглаш ва Ҳиндистон штатларидаги вазиятни рағбатлантириш тизими ёрдамида яхшилашдан иборат.

Қайд этилишича, дастур жараёнида аҳолиси энг содда кўринишдаги санузел (ванна ва ҳожатхона)лардан ҳам фойдаланмайдиган ҳудудларда тоза сувли ҳожатхоналар ташкил этилади.

Банк мазкур ҳудудларни ичимлик суви билан таъминлашни ҳам ўз зиммасига олмоқда.
Ушбу дастур 2014 йилда старт олган “Тоза Ҳиндистон” кампаниясининг бир қисми бўлиб, уни 2019 йилнинг октябрида — Махатма Ганди таваллудининг 150 йиллиги нишонланадиган кунда тугаллаш режалаштирилган.

Бундан аввалроқ эса Жаҳон банки Ҳиндистонга Ганга дарёсини тозалаши учун 1,5 миллард доллар ажратиши ҳақида хабар қилинган эди.