Россиянинг Калиниград шаҳридаги "Сити" савдо марказида жойлашган мушаклар сотилувчи дўконда ёнғин юз бериб, бир киши ҳалок бўлди ва 7 киши жароҳатланди. Бу ҳақда ТАСС агентлиги хабар тарқатди.

ФВВнинг Калининград вилояти бўлими маълумотига кўра, 2 киши ис газидан заҳарланиши туфайли шифохонага ётқизилган ва уларнинг аҳволи оғир.

Ёнғин ушбу савдо марказининг биринчи қаватидаги 20 кв м ҳудуддаги майдонини қамраган. Бу вақтда бинодан 150 киши эвакуация қилинган.

Ёнғинни бартараф қилиш ишларига 50 нафардан ортиқ ўт ўчирувчи ва 16та техник восита жалб қилинган.

Ҳозирда ёнғин сабаблари ўрганилмоқда.