Ўзбекистон ва Тожикистон ТИВлари ўртасидаги маслаҳатлашув куни номаълум муддатга қолдирилди

Жамият 16 Декабрь 2015 3568

Душанбеда Ўзбекистон ва Тожикистон ташқи ишлар вазирликлари ўртасида бўлиб ўтиши кутилаётган сиёсий маслаҳатлашувлар белгиланган вақтда бўлиб ўтмайдиган бўлди. Бу ҳақда Ўзбекистон ТИВ матбуот хизмати маълум қилди.

“Томонларнинг ўзаро келишувига кўра Ўзбекистон ва Тожикистон ТИВ делегацияларининг сиёсий маслаҳатлашувларини ўтказиш кейинроқ муддатга қолдирилди", дейилади хабарда.

Бундан олдинроқ, мазкур маслаҳатлашувлар 2015 йилнинг 17-18 декабрь кунларида Душанбе шаҳрида бўлиб ўтиши ҳақида хабар қилинган эди.

Қайд этиш керакки, Ўзбекистон ва Тожикистон расмийлари маслаҳатлашуви ҳали бирор марта ўтказилмаган.

Бу маслаҳатлашув икки давлатнинг муносабатлари илиқлашаётганини кўрсатиши айтилганди.

Маслаҳатлашув давомида томонлар ўзаро ҳамкорликни йўлга қўйиш, жумладан, савдо-иқтисодий ва транспорт соҳаларида муносабатларни ривожлантириш чоралари кўриб чиқилиши, шунингдек, ҳудудий муаммолар, Афғонистондаги ҳолат юзасидан фикрлар алмашиниши кўзда тутилганди.

Маълумот учун, Собиқ Иттифоқ тарқалиб кетгач, Ўзбекистон ва Тожикистон ўртасидаги муносабатлар мураккаблашганди. Икки мамлакат ўртасида 1992 йилда ўзаро ҳаво парвозлар бекор қилинган, 2001 йилда эса аввал Ўзбекистон, сўнг Тожикистон ўзаро виза тартибини киритганди.

Ўзбекистон Тожикистондаги Роғун ГЭСи қурилишига қарши. Ўзбекистон томонининг нуқтаи-назарига кўра, Тожикистон ва Қирғизистонда ГЭСларнинг қурилиши оқибатида трансчегаравий дарёлар сувлари бир мамлакатнинг назорати остига ўтиб қолади ва минтақа экологиясига жуда катта зарар етказилади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17207 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22368 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11360 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12229 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40582 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52947 Жамият
Кун.uz офис изламоқда
15:48 / 06.08.2017 47756 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 577 Жаҳон
Қатар зиёратчиларнинг Саудияга парвозларини блокламоқда
15:35 1096 Жаҳон
Кўпроқ янгиликлар