УЕФА президенти Мишель Платини ФИФАнинг Ахлоқ қўмитаси йиғилишида иштирок этмасликка қарор қилди.

Рейтер агентлиги хабарида айтилишича, бу йиғилиш 18 декабрга белгиланган.

Шу йилнинг октябрь ойида ФИФА ахлоқ қўмитаси ташкилот президенти Йозеф Блаттерни ва УЕФА раҳбари Мишел Платинини ноқонуний равишда пул ўтказмаларини амалга оширгани учун 90 кунга футболдаги фаолиятидан четлаштирганди.

Бундан олдин Блаттер ва Платини 16-18 декабрь кунлари ФИФА ахлоқ қўмитаси олдида чиқиш қилиши ҳақида хабар берилганди.