21 ой муқаддам Уэльсда ғайритабиий бола дунёга келди. 2 ёшли Олли Трейзис энцефалоцеле, яъни бош суяги-мия даббасидан азият чекади. Бу хасталикдан унинг юз скелети, айнан бурни кенгайиб кетмоқда эди.

informvest.net нашрининг маълум қилишича, бир неча жарроҳлик амалиётларидан сўнг шифокорлар бу нуқсонни қисман бартараф қилишга муваффақ бўлишган.

Мияси бурни ичида ўсаётган болакай масхара ва ҳақоратлар объектига айланиб қолган эди. 22 ёшли она Эми Пулнинг тан олишича, кўчада уни учратган айрим нотанишлар ҳам ўзларини ҳақоратли сўзлардан тийиб қололмаган.

Бирмингем шифохонаси ходими Мартин Эванс Оллини операциядан ўтказиб, энцефалоцеле оқибатларини қисман тўғирлади.

Медиклар унинг бурун тешикларини очиб, эркин нафас олишига имконият яратиб беришди.

Келажакда бола яна бир неча маротаба жарроҳлик столига ётади.

Шифокорлар хасталикнинг боришига аралашишлари учун боланинг бош суяги қандай ривожланаётганини ўрганиб боришлари лозим.