Яқин Шарқ ва Шимолий Африка давлатларига 2010-2014 йиллар орасидаги “араб баҳори” оқибатида етказилган зарар 833.7 млрд долларни ташкил қилди. Бу рақамни Дубайда ўтаётган Араб стратегик форуми берди.

“Араб баҳори”нинг нархи” ҳисоботига кўра, йўқотишларнинг катта қисми инфраструктура ҳамда ЯИМга етказилган тўғридан-тўғри зарар билан боғлиқдир – тегишли равишда 461 ва 289 млрд доллар. Бундан ташқари, молия бозорларининг йўқотишлари, чет эл инвестицияларининг тушиши, туризм даромадининг йўқ бўлиши, қочқинларга кетган харажатлар ҳисобга олинди.

“Араб баҳори”га қўшиламизми, йўқми, бундан қатъий назар, унга цивилизацион ва тарихий контекстда қараш зарур. Ахир у минтақа ривожланишининг кескин тўхташига, иқтисодий имкониятларнинг йўқотилишига ва инфраструктуранинг вайрон бўлишига олиб келди, буларни яратишга халқлар ўн йиллар ва ҳатто асрлар мобайнида сарфлаган эдилар”, - деди форум раиси, БАА вазирлар кенгаши ишлари бўйича вазир Муҳаммад бин Абдулла ал-Гаргавий.