Лондон суди ҳуқуқшунослик тарихига кириши мумкин бўлган қарор чиқарди. Суд ҳаками 18 ёшли қизнинг номусига теккан Саудия арабистонилик 46 ёшли миллионерни “у қоқилиб, қизнинг устига тушганда, бехосдан у билан алоқага кирганини” айтиши билан қаноатланиб, уни оқлади. Бу ҳақда The Telegraph нашри маълум қилди.

Мартин Гриффитс исмли ҳакам 30 дақиқалик муҳокамадан кейин айбланувчининг бўйнидан барча айбловларни бекор қилди. Айбланаётган арабистонлик тадбиркор Эҳсон Абдулазиз у “нимжон” бўлгани ва қизнинг устига йиқилиб тушганини айтган. “Мен билан қиз ўртасида ҳеч нарса бўлмади”, деб ўзини оқлади айбланувчи. Тадбиркор ДНКсининг қиз организмида аниқланганини ҳам у бехосдан йиқилгани билан тушунтирган.

Тадбиркорга айбловлар ўтган йили қўйилган. Иш материалларига кўра, 2014 йил августда айбланувчи Лондондаги квартирасида жабрланувчи қиз диванда ухлаётганда унинг номусига теккан.

Қизнинг айтишича, у воқеа юз берган кеча айбланувчи билан тунги клубда танишган. Қиз 24 ёшли дугонаси билан бирга бўлган. Танишувдан кейин миллионер қизларга унинг уйига боришни таклиф қилган. Қизлар рози бўлган.

Жабрланувчининг айтишича, улар спиртли ичимлик ичишган, шундан кейин Абдулазиз унинг дугонаси билан ётоққа кириб кетган. Қиз эрталаб туриб айбланувчи унинг номусига теккани аниқлаган.

Миллионернинг айтишича, у қизга совуқ емаслиги учун футболка ва уйигача такси чақиртиришни таклиф қилган. Унинг айтишича, қизнинг ўзи уни ёнига тортган.