"Челси" раҳбарияти яқин вақт ичида бош мураббий Жозе Моуриньони истеъфога чиқарган тақдирида, жамоани йил охирига қадар вақтинчалик мураббий бошқариб туради.

Хабар қилинишича, Гус Хиддинк бу борада асосий номзод бўлиб турибди. Мавсум якунига етгач эса, "Челси" "Атлетико"нинг аргентиналик бош мураббийи Диего Симеонени таклиф қилмоқчи.

"Челси" раҳбарияти Моуриньони истеъфога чиқариш масаласини муҳокама қилган, лекин ҳали якуний қарор айтилмаган.

Маълумот учун, унинг “Челси” билан тузган шартномаси яна 3 йил амал қилади, ҳафталик маоши эса 340 минг еврони ташкил қилади.