Канада бош вазири Жастин Трюдо Рим папаси Францискдан Рим-католик черкови номидан черков вакиллари томонидан Канаданинг туб аҳолисига турли зулмлар ўтказилгани учун кечирим сўрашини сўрайди, деб хабар бермоқда CBC News канали.

“Бу мен бошқа ҳукумат ёки ташкилотларга нима қилиш кераклигини уқдирмоқчи эканлигимни билдирмайди, бироқ мен бу муаммони ҳал қилиш учун конструктив ҳамжиҳатликни интиқлик билан кутмоқдаман. Очиғини айтганда, Канада тарихининг бу даҳшатли қисмида ўз қилмишларини тан олишлари керак бўлган кўп ташкилотлар бор”, деб айтди Трюдо.

Трюдо бу масалада понтифик билан суҳбат ўтказишни интиқлик билан кутаётганини таъкидлаб ўтди.

Аввалроқ Канадада фаолият юритган мамлакат парламентининг ҳақиқат ва яраштирув комиссияси “Канаданинг туб аҳолиси вакиллари Рим-католик черковининг ҳаракатларидан маънан, маданий, жисмоний ва жинсий зиён кўрганлар”, деб топганди.