Сурияда ихтилофли вазиятни бартараф этиш иши президент Башар Асаднинг келажагига боғлиқ бўлиб қолиши керак эмас. Бу ҳақда БМТ бош котиби Пан Ги Мун журналистлар билан суҳбат чоғида айтиб ўтди.

“Президент Асаднинг келажаги ҳақидаги қарорни Сурия халқи бериши керак, - деди у. – Шу билан бирга, ўйлайманки, бутун Сурия инқирози ва унинг ечими фақат бир кишининг тақдирига боғланиб қолиши нотўғри. Бунга йўл қўйиб бўлмайди”.

БМТ раҳбарининг таъкидлашича, “айрим давлатлар Асадни чекланган муддатга мамлакат бошида қолдиришни таклиф қилмоқда”, лекин бу масала “кейинроқ ҳал этилади”.