Россия президенти Владимир Путин бугун, 17 декабрь куни, ОАВ вакиллари иштирокида катта матбуот анжумани ўтказмоқда. Қарийб 1 400 журналист иштирокидаги тадбир Халқаро савдо марказида бўлиб ўтмоқда.

“Вести в субботу” теледастури бошловчиси Сергей Брилёвнинг Туркия президенти Ражаб Тойиб Эрдўған вазиятни ўнглаш учун нима қилиши кераклиги ҳақидаги саволга жавоб бераркан, Путин унинг ўрнига жавоб беришни истамаслигини таъкидлади.

“Мен бошқа шахслар, бошқа давлатлар раҳбарлари учун жавоб беришни истамайман. Агар зарур деб билишса, ўзлари бу ишни қилсин”, - деди у.