Россия президенти Владимир Путин бугун, 17 декабрь куни, ОАВ вакиллари иштирокида катта матбуот анжумани ўтказмоқда. Қарийб 1 400 журналист иштирокидаги тадбир Халқаро савдо марказида бўлиб ўтмоқда.

Тадбир Россиянинг барча марказий каналлари орқали эфирга узатилмоқда.
Учрашув чоғида Путин “Платон” тизими орқали катта юк машиналарининг федерал йўллардан ўтиши учун ундириладиган солиқ бекор қилинишини ишонтириб айтди. Унинг таъкидлашича, барча категориядаги автомобиллардан олинадиган транспорт солиқларини нолга тушириш масаласи ҳукуматда муҳокама қилинган.

Аммо вилоят ва бошқа маъмурий бўлинмалар ҳокимлари бунга қарши чиқмоқда, негаки солиқ маблағлари айнан минтақавий бюджетларга кетади.
“Лекин ҳеч бўлмаганда федерал йўллардан ўтганлари учун тўлашга мажбур бўлаётган катта юк машиналари учун бу ишни қилиш керак. Ҳукумат яқин орада, йил бошида, бу ишни амалга оширишига умид қиламан”, - деб таъкидлади Путин.