Қирғизистонда пинҳона (соядаги) иқтисодиёт ҳажми 2-2,5 миллиард долларни ташкил этмоқда. Бундай рақамлар 17 декабрь куни мамлакат парламенти - Жогорку Кенешда бўлиб ўтган “Республика – Ата Журт” фракцияси депутати Руслан Казакбаев томонидан маълум қилинди.

У ҳукумат диққатини мамлакатда порахўрликка қарши курашни молиялаштиришга қарийб эътибор қаратилмаётганига йўналтирмоқчи бўлди. “Мазкур курашда ахборий таркиб ҳам ўрин олган бўлиб, келгуси авлодларга коррупция – давлат тараққиётининг душмани эканини тушунтириш керак”, - дея қайд этди парламентарий.

Руслан Казакбаев Қирғизистон МХДҚнинг Аксилкоррупция хизмати ходимларининг қай даражада молиялаштирилиши масаласини кўтариб чиқди. “Агарда ойлик иш ҳақи паст бўлса, уларда турар-жой бўлмаса, қандай қилиб порахўрликка қарши курашиш мумкин?” – қўшимча қилди у.