Россия ТИВ расмий вакили Мария Захарова Украина мудофаа вазири Арсен Аваков ва Одесса ҳокими Михеил Саакашвили ўртасидаги жанжалга изоҳ бериб ўтди. Эслатиб ўтамиз, даҳанаки жанг акс этган видеолавҳа вазир томонидан интернетга жойлаштирилди.

“Аваковнинг Саакашвили билан жанжали”, айтиш қўрқинчли, ислоҳотлар миллий радасидаги жанжали видеосини кўрдингизми? Кулгили эмас, мутлақо кулгили эмас”, - деб ёзди Захарова Facebook’даги саҳифасида.
“Биринчидан, - сўзида давом этди у, - рус тилида Украинада мактаб ва университетларда ўқиш мумкин эмас, лекин вазирлар ва “ҳоким”лар шу тилда бир-бирини бемалол сўкаверади. Иккинчидан, бундай ҳолатлар расмий йиғинларда содир бўлса, жамият ҳақида нима дейиш мумкин? У қанчалар қутблашган? Кейинги босқич унинг янада радикаллушвидир”.

Ниҳоят, учинчидан, Захарованинг фикрича, Украинанинг “бугунги ҳукмдорлари” мамлакатнинг келажагини шубҳа остига қўймоқда.
“Кўп миллатли Украина келажакда қандай яшаши тушунарсиз, агарда Киевдаги бугунги ҳокимиятнинг ғоявий мухлисига “Мамлакатимдан йўқол!” дейилаётган бўлса.

Америка конституцияси устида режимга садоқат қасамини ичган бечора Мишико эса ўзини оқлаш учун “Мен украиналикман” демоқда. Донбасс руслари ҳақида нима ҳам деймиз – бундай ҳукмдорларга эга Украинада уларни қандай келажак кутмоқда?”, - хулоса қилди амалдор.