Голландиялик мутахассис Гуус Хиддинк "Челси"га вақтинчалик бош мураббий сифатида таклиф этилди. Бу ҳақда The Telegraph нашри хабар тарқатди.

Нашрнинг ёзишича, лондонликлар Хиддинк билан оғзаки келишувга эришиб бўлишган ва энди бу мураббий жамоани мавсумнинг қолган ўйинларида бошқариб туради.

Хабарда айтилишича, Хиддинк эртага, 18 декабрь куниёқ "Челси"нинг вақтинчалик бош мураббийи сифатида иш бошлаши ва жамоани "Сандерленд"га қарши ўйинга тайёрлаш учун киришиши мумкин.

Эслатиб ўтамиз, ушбу мутахассис "Челси"ни 2009 йилда ҳам жамоадан Авраам Грант ишдан бўшатилгач, мавсум сўнгигача бошқариб турганди.

69 ёшли мутахассис билан ҳозирча мавсум сўнгига қадар битим тузилиши ва кейин бу битим узайтирилиши мумкин.

Янги мавсумда жамоа мураббийлигига таклиф этилиши мумкин бўлган мураббий номзодлар орасида "Бавария"ни мавсум сўнгида тарк этадиган Ҳосеп Гвардиола, ишсиз юрган мураббийлар Хуанде Рамос ҳамда Брендан Роджерс номлари бор.

"Челси" Жозе Моуриньони истеъфога чиқарди

"Челси" Моуриньога муддатидан олдин шартномани бузгани учун 12 млн фунт товон пули тўлайди

"Челси"ни мавсум якунигача Хиддинк, янги мавсумда Симеоне бошқариши мумкин

Шевченко «Челси»да иш бошлаши мумкин