"Интер" жамоасининг аргентиналик собиқ футболчиси Хавьер Занетти "Барселона"нинг ҳужумчиси, ўз ватандоши Лионель Мессининг 2015 йилги "Олтин тўп"ни ҳам қўлга киритишига ишонч билдирди.

"Месси дунёнинг энг кучли футболчиси. У бешинчи марта "Олтин тўп"ни қўлга киритишга лойиқ. Унга фақат олқиш ёғдириш керак", — дейди Занетти El Mundo Deportivo нашрига.

Эслатиб ўтамиз, 2015 йилги мавсум учун "Олтин тўп"га даъвогар асосий 3 футболчи қаторида Лионель Мессидан ташқари "Барселона"нинг бразилиялик ҳужумчиси Неймар, шунингдек "Реал"нинг португалиялик аъзоси Криштиану Роналду номлари бор. Тақдирлаш маросими 2016 йилнинг 11 январида Цюрих шаҳрида бўлиб ўтади.