Испания терма жамоаси бош мураббийи Висенте Дель Боске Евро-2016 турниридан сўнг мураббийлик фаолиятини якунлашини расман маълум қилди.

64 ёшли мутахассис бу қарорини соғлиғига эътибор қаратиш зарурати туфайли қабул қилган.

“Ҳаммаси режа асосида давом этса, келаси йили Францияда ўтказиладиган Европа чемпионатидан сўнг мураббийлик фаолиятимга якун ясайман. Бунга ягона сабаб – соғлиқ. Мен 8 йил мобайнида Испания терма жамоасини бошқардим. Ортиқ ишлаш ниятим йўқ. Ягона истагим мураббийлик фаолиятимни юқори ноталарда якунлаш ҳисобланади. Шундан сўнг мен одатий тарзда ҳаёт кечира бошлашим мумкин”, – деди Дель Боске.

Маълумот учун, 2008 йилда терма жамоани қабул қилиб олган ушбу мутахассис 2010 йилда ЖАРда ўтган мундиалда ғолиб бўлди. У 2012 йилги Европа чемпионатида ҳам "қизил фурия"ни чемпионлик саҳнасига етаклаб келган.