Lamborghini компанияси раҳбари Стефан Винкельманн 14 йиллик фаолиятдан кейин итальян автоконцернини тарк этиши мумкин. Бу ҳақда Car нашри хабар қилган.

Тахмин қилинишича, Винкельманн Volkswagen тизимида Audi учун деталлар тайёрловчи Quattro GmbH компанияси раҳбарлиги лавозимини эгаллаши мумкин. У нафақага чиқаётган Хайнц Холлервегернинг ўрнини эгаллаши айтилган.

Lamborghini компаниясининг янги раҳбари Стефано Доменикали бўлиши мумкин. Айни вақтда у Audi компаниясида ишламоқда.

Маълумот учун, Стефан Винкельманн 1964 йилда Берлин шаҳрида туғилган. У автомобилсозлик саноатида 1994 йилдан буён ишлаб келмоқда. Винкельманн турли йилларда Fiat ва Mercedes-Benz компанияларида фаолият кўрсатган. 2005 йилнинг 1 январида эса Lamborghini раҳбарига айланганди.