АҚШ мудофаа вазирлиги Гуантанамонинг 17 маҳбусини бошқа давлатлар қамоқхонасига олиб ўтилишини тасдиқлади. Бу ҳақда The New York Times газетаси ёзмоқда.

Нашрнинг маълум қилишича, мазкур маънога эга мактубни Пентагон раҳбари Эштон Картер Конгрессга йўллаган. Конгресс, ўз навбатида, Картерга мазкур жараён бошланишидан 30 кун олдин барча хавфсизлик чоралари кўриб қўйилиши зарурлигини маълум қилган.

Маълум бўлишича, бир қатор давлатлар маҳбусларни ўз ҳудудларида сақланишига рози бўлган. Бошқа қамоқхоналарга олиб ўтилиши туфайли Гуантанамодаги маҳбуслар сони бугунги кунга келиб 90 нафарга камайган.