Пентагонда АҚШ ҳарбий-ҳаво кучлари зарбаси оқибатида 30 нафар ироқлик аскар ҳалок бўлгани ҳақидаги маълумот рад этилди, деб хабар бермоқда Sputnik нашри. “Бу ёлғон”, деб айтди Пентагон вакили.

Ироқ парламентининг хавфсизлик ва мудофаа бўйича қўмитаси бошлиғи Ҳаким аз-Замлий Ироқ АҚШ ҲҲК зарбаси устидан судга шикоят қилишини маълум қилди.

“Биз уларни бу жиноят учун жавобгарликка тортамиз, суд тафтиши бўлади”, деб айтганди аз-Замлий.

Аввалроқ аз-Замлий АҚШ авиацияси Ал-Фаллужа вилоятидаги Ан-Наимийя шаҳрига зарба бериши оқибатида Ироқ армияси 55-бригадасининг 30 нафар аскари ҳалок бўлгани ва 20 нафари яраланганини айтганди.