Тожикистон ҳукумати 2016-2020 йилларда аёл тадбиркорларни қўллаб-қувватлашга қаратилган президент грантларини таъсис этди. Ҳукуматнинг расмий қарорида айтилишича, грантлар якка тартибдаги тадбиркорлик билан шуғулланувчи аёлларга, агарда улар тақдим этган лойиҳалар кўрсатилган талабларга жавоб берса, ажратилади.

Беш йил давомида аёллар ва оила ишлари бўйича қўмита ҳар йили 80та шундай грант ажратиши кўзда тутилган: 20та грант 40 минг сомоний, 20таси 30 минг сомоний, 20таси 20 минг сомоний, 20таси 10 минг сомоний миқдорида.

Ҳукумат молия вазирлигига грантларни 2016 йил бюджетида кўзда тутилган маблағлар ҳисобидан молиялаштиришни, 2017 йилдан эса бунинг учун давлат бюджетидан махсус маблағ ажратишин топширди.