Сурия президенти Башар Асад Дамашқдаги қадимий черковда Рождество олди ибодатига ташриф буюрди, деб хабар бермоқда маҳаллий ОАВларга иқтибос келтирган ҳолда Reuters ахборот агентлиги.

Давлат телевидениеси Асад ўз рафиқаси билан кечаси Дамашқ Авлиё онаси черковига ташриф буюргани видеосини намойиш қилди. Асад у ерда черков хори билан суҳбатлашди ва ибодатхонанинг бош залида хорнинг чиқишини тинглади.

18 декабрда Дамашқнинг эски қисмида жойлашган черков ёнидаги ҳудуд миномётлардан ўққа тутилган. Черков Сурия армияси ва қуролланган мухолифат ўртасида жанглар кетаётган жойдан унча узоқда жойлашмаган.

Аввалроқ АҚШдаги Сурия мухолифатининг миллий коалицияси вакили Нажиб Гадбан Сурия муҳолифати ўтиш жараёни давомида Башар Асад билан музокаралар ўтказиш зарур, деб ҳисоблашини айтганди.