Эронга АҚШда санкциялар туфайли 40 йил олдин ушлаб қолинган 14 тасвирий санъат намуналарини келтиришга муваффақ бўлди.

Бу ҳақда Press TV телеканали хабар берди.
“Эрон АҚШда харид қилинган ўндан ортиқ бадиий асарларни олишга эришди. Улар 1979 йилги Исломий инқилобдан сўнг икки томонлама дипломатик алоқаларнинг узилиши туфайли АҚШдан олиб чиқилмаган эди”, - дейилади телеканал хабарномасида.

Эрон президенти маъмурияти қошидаги халқаро ҳуқуқ марказининг аниқлаштирилишича, гап Майкл Грейвс ва Роберт Стернлар томонидан яратилган санъат асарлари ҳақида кетмоқда. Улар 1978 йили Теҳрон замонавий санъат музейи томонидан сотиб олинган эди. Лекин уларни Эронга бериш ҳақида суд қарори икки йил муқаддам қабул қилинди. Иш Эрон ва АҚШ ўртасидаги 1981 йилги Жазоир келишувига мувофиқ ташкил этилган махсус трибуналда кўриб чиқилди.