2015 йил декабрининг иккинчи ўн кунлигида Навоий, Сурхондарё ва Қашқадарё вилоятларида “Ижтимоий-маънавий муҳитни янада соғломлаштириш ва диний ақидапарастликнинг олдини олиш” мавзусига бағишланган туркум йиғилиш ва учрашувлар бўлиб ўтди.

Бу ҳақда Ўзбекистон мусулмонлари идораси расмий сайти хабар бермоқда.
Айтилишича, тадбирларда Вазирлар Маҳкамаси ҳузуридаги Дин ишлари бўйича қўмита раиси Ортиқбек Юсупов ва Ўзбекистон мусулмонлари идораси раиси, муфтий Усмонхон Алимов ҳазратлари қатнашиб, “Мамлакатимизда диний экстремизм ва халқаро терроризмга қарши курашнинг долзарб йўналишлари” ва “Ислом тинчлик дини.

Тинчликни асраш ва тарғиб қилиш – долзарб вазифа” каби мавзуларда маърузалар қилишди.Учрашувларда тинчликни асраб-авайлаш, ҳушёрликни янада ошириш, айниқса, ёшлар тарбиясига, уларнинг турли ёт оқимлар таъсирига тушиб қолишининг олдини олиш масъулияти ва бу борада бажариладиган ҳар бир ишни ҳамжиҳатликда амалга ошириш кўзланган натижалар бериши таъкидланди.