Калифорниянинг Фресно шаҳридаги Applebee's кафеси ходими муассасада 32 минг долларини унутган оилани қидириб топиш мақсадида, пул солинган ҳамённи полицияга топширди. Бу ҳақда Fresno Bee нашри ёзмоқда.

Эрика Гонзалес онаси Берта билан бу пулларни банкка қўймоқчи бўлишган, аммо бўш сейф йўқлиги боис ўзлари билан маблағни олиб кетишган. Овқатланиш учун кафега кирган она ва қиз ҳамённи унутиб қолдиришган.

Оила полицияга мурожаатнома ёзганидан бир оз муддат ўтиб, ҳуқуқ-тартибот органларига Applebee's кафеси ходими қўнғироқ қилиб, пулларни уларга етказган.
Таъкидланишича, официант исмини ошкор қилишларини истамаган ва пул мукофотидан бош тортган.