Россия ва АҚШ Нью-Йоркда Сурия бўйича учрашув ўтказилишида ҳал қилувчи роль ўйнади ва улар кераклигида келишиб кета олишларини кўрсатишди. Бу ҳақда Россия ТИВ расмий вакили Мария Захарова баёнот берди.

“Икки томон ҳам БМТ Хавфсизлик Кенгаши томонидан қабул қилинган резолюция лойиҳасини ишлаб чиқишга улкан ҳисса қўшди. Ўйлашимча, бу, орадаги келишмовчиликларга қарамасдан, икки томон турли соҳаларда миллий манфаатларга эгалигини ва ҳар қандай вазиятда келишиб кета олишимизни кўрсатади”, - деди у Сергей Брилёвнинг “Вести в субботу” кўрсатувига берган интервьюсида.