Санкт-Петербургдаги “Кресты” тергов изоляторида Ўзбекистон фуқаросининг ўлдирилиши билан боғлиқ иш жамоатчилик диққатини тортди.

Ўзбекистонлик эркак зўравонликда гумон қилиниб, изоляторда сақланаётган эди. У билан бир камерада талончилик туфайли ушланган икки маҳбус ўтирган эди. 16 декабрь куни изоляторга тез тиббий ёрдам ходимлари чақирилди. Улар икки соат давомида оғир яраланган эркакнинг ҳаётини сақлаб қолишга уринишди, лекин Ўзбекистон фуқароси бош чаноғи ва мия жароҳати оқибатида оламдан ўтди.

Воқеа юзасидан ўтказилган тафтиш натижаларига кўра, ҳозирча камерада ўтирган икки талончи ўзбекистонлик камерадошини дўппослаб, ўлдириб қўйгани тахмин қилинмоқда.