Сейшель ороллари президенти Жеймс Мишель минимал устунлик билан учинчи муддатга сайланди, деб хабар беради Reuters агентлиги мамлакат сайлов комиссиясига таянган ҳолда.

Айтилишича, Мишелга сайловчиларнинг 50.2 фоизи овоз берган. Унинг рақиби Вавен Рамакалаван ундан 193та камроқ овоз олган.
Таъкидланишича, Мишелнинг президентлик йилларида туризм ва балиқчиликнинг ривожланиши ҳисобига Сейшель иқтисодиётида кескин кўтарилиш кузатилган.

Сайлов мамлакатни ташкил этадиган 115 орол ўртасидаги масофа узоқлиги боис сайлов 3 кун давом этди. Бу оролларда жами 93 минг киши яшайди.