Нефтеюганск шаҳри ҳокимини ўлдиришда айбланаётган россиялик мухолиф сиёсатчи, ЮКОС корпорациясининг собиқ раҳбари Михаил Ходорковский жиноят муддати узоқлиги баҳонаси билан жазодан қутулиб қолмоқчи, аммо Россия тергов қўмитаси бунга йўл қўймайди, деб таъкидлади идоранинг расмий вакили Владимир Маркин “Комсомольская правда” радиостанцияси эфирида.

“Россия қонунчилигини қаранг, бу нарса жуда аниқ таърифланган”, - таъкидлади у.
Ходорковский 11 декабрь куни Нефтеюганск ҳокими Владимир Петуховни ўлдиришда айбланган эди. Маркиннинг айтишича, жиноят учун жазо муддатининг ўтиши айблов қотиллик билан боғлиқ бўлганда суд томонидан аниқланади.