АҚШ президентлигига номзод, миллиардер Дональд Трамп ўзининг рақиби, собиқ президент Жорж Бушнинг акаси Жеб Бушни “тошдай тўмтоқ” деб атади. Бу ҳақда у Twitter’даги саҳифасида ёзди.

Лас-Вегасда республикачи номзодлар учрашувида Жеб Буш билан кескин баҳсларга киришган Трамп тадбирдан сўнг интернетда қуйидаги мазмунда хабар қолдирди:

“Жеб Буш ўзининг ножоиз сайловолди кампанияси туфайли ўзи ва оиласини кулгига қўйди. У ўзига содиқ қолиши лозим. Бизнинг мамлакатимизга керак бўлган охирги нарса яна битта Бушдир! Тошдай тўмтоқ!”.