Ukrainalik mashhur sobiq futbolchi Andrey Shevchenko o‘z kelajagi borasida bir to‘xtamga kela olmayapti.
Shevchenkoga Yevro-2016 ga tayyorgarlikni boshlab yuborgan Ukraina terma jamoasi murabbiylik shtabidan o‘rin taklif qilishdi, biroq u shuningdek “Chelsi” rahbariyatidan o‘rin olish haqida ham taklif oldi, deb xabar bermoqda “Futbol 24” nashri.
Uning terma jamoaga tayinlanishi 7-10 kundan keyin rasman e'lon qilinishi mumkin.
Avvalroq Ukraina terma jamoasi yetakchi o‘yinchilari Shevchenkoning bosh murabbiy etib tayinlanishiga qarshi chiqqanlari va terma jamoaning amaldagi bosh murabbiyi Mixail Fomenkoni qo‘llab-quvvatlashgani haqida ma'lumot paydo bo‘lgandi.
Hozircha shunisi ma'lumki, Fomenko Ukraina terma jamoasi bilan ishlashni davom ettiraveradi.