“Ҳизбуллоҳ” ҳаракати вакиллари Самир Кунтар исмли жангариси ҳалок бўлганини тасдиқлади, деб хабар бермоқда Reuters.

Исроил ҳукумати Кунтарни “Ҳизбуллоҳ” асирларини айирбошлаш доирасида 2008 йилда озод этилган эди. Ўз навбатида, Кунтар Ливаннинг “Фаластин озодлик миллий фронти” ташкилотининг энг муҳим шахсларидан бири бўлиб, “Ҳизбуллоҳ” ҳаракати ва Башар Асад тизими билан ҳамкорлик қилар эди.

Кунтар 1979 йилда Исроила теракт содир этган ва узоқ вақтдан буён қамоқда сақланар эди. Жорий йилнинг июль ойида ОАВ унинг ҳалок бўлгани ҳақидаги хабарларни тарқатган эди.