Маврикийдан Парижга кетаётган Air France компанияси самолёти бортда бомбага ўхшаган предмет топилиши муносабати билан Кенияда фавқулодда қўнишни амалга оширишга мажбур бўлди. Бу ҳақда Reuters агентлиги хабар бермоқда.

Воқеа 20 декабрь куни содир бўлди. Номаълум ускуна Boeing 777нинг ҳожатхонаси ичидан топилди.

Самолёт Момбаса шаҳридаги Мои халқаро аэропортига қўнган. Унинг бортидан 459 йўловчи ва 14 нафар экипаж аъзоси эвакуация қилинган.
Воқеа жойида мутахассислар ишламоқда.