Арманистон ва Озарбайжоннинг қуролли тўқнашуви зонасида икки томондан 18 нафар ҳарбий хизматчи ҳалок бўлди. Бу ҳақда Озарбайжон мудофаа вазирлигига таянган ҳолда Trend нашри хабар бермоқда.

“Охирги сутка давомида Озарбажон қуролли кучлари Арманистон қуролли кучларининг диверсия ҳаракатларини бартараф қилишди ва душман позицияларига аниқ зарбалар берди. Жавоб ўт очиш давомида арманистонлик 2 ҳарбий хизматчи йўқ қилинди, 4 нафари яраланди”, - дейилади хабарномада.

Айтилишича, ҳафта давомида жами 18 ҳарбий хизматчиси ҳалок бўлган, 20 нафар яраланган.
Идора Озарбайжондан 1 нафар ҳарбий ҳалок бўлганини хабар қилди.