“Манчестер Сити” ярим ҳимоячиси Кевин Де Брюйне Бельгияда 2015 йилнинг энг яхши спортчиси деб топилди.

Де Брюйне 686 очко тўплади. Иккинчи ўринни эгаллаган диск улоқтирувчи Филип Миланов 520, учинчи ўрин соҳиби велопойгачи Грег Ван Авермат 443 очко тўплади.

Эслатиб ўтамиз, Де Брюйне 2015 йилда “Вольфсбург” таркибида Германия кубогини қўлга киритган ҳамда Бундеслиганинг энг яхши футболчиси деб топилган эди.