Якшанба, 20 декабрь куни Индонезияда ўтказилган авиашоу вақтида мамлакат ҳарбий-ҳаво кучларига (ҲҲК) қарашли бўлган Т-50 Golden Eagle ҳарбий-ўқув қирувчи самолёти ҳалокатга учради. Икки учувчи ҳалок бўлди, деб хабар бермоқда мамлакат ҲҲК расмий вакили Дви Вадармантао.

Воқеа Ява оролининг Жокьякарта шаҳрида рўй берди. Маълум қилишларича, самолёт учиш йўлагидан унча узоқ бўлмаган жойда қулаган. Воқеа тафсилотлари ўрганилмоқда.