Кремль сиёсатшунослар орасида “Катта Ўрта Осиё” атамасининг пайдо бўлишидан хавотирда. Бу ҳақда Кремлнинг расмий вакили Дмитрий Песков матбуот анжумани чоғида хабар қилди.

“Катта Яқин Шарқ” ҳақида гапира бошлашганида, бу, адашмасам, ўтган аср охири эди, мутахассислар бу терминологияни қўллай бошлади, ва бу терминология етакчилар томонидан ҳам қўлланди. Бир муддат бу академизмга ўхшади, чунки унинг амалий мазмуни кўринмаган эди”, - унинг сўзларини келтиради Интерфакс агентлиги.

Айни пайтда, унинг фикрича, бундай атамани қўллаш ретроспекция бўлади, негаки “аввалига бошқарилувчи хаос билан чекланиши лозим бўлган” “рангли инқилоб”лар силсиласи айнан “Катта Яқин Шарқ” деб аталган минтақада юз берди. Бу билан у “Катта Ўрта Осиё” минтақасида ҳам бундай ҳаракатлар кузатилиши мумкинлигига ишора қилди.