Россия ўзининг ядровий қуролини тутиб туриш омили ўлароқ ривожлантиришни мақсад қилган. Бу ҳақда мамлакат раҳбари Владимир Путин “Россия 1” телеканали эфирида айтиб ўтди.

“Тутиб туриш омили ўлароқ Россия, жаҳоннинг етакчи ядровий давлатларидан бири сифатида бу қуролни такомиллаштириб боради; ядровий триада ядровий хавфсизлик сиёсатининг асосида ётади”, - деди у.

Шу билан бирга, Путин Россия “ядровий тўқмоқ” билан таҳдид солмаслигини айтиб ўтди.
Илгарироқ The National Interest нашри Россия “Статус-6” ядровий суперторпедосини ишлаб чиқаётганини маълум қилди. У жойни радиациялаб, қирғоқлар ва балиқчилик туманлари иқтисодий объектларига таъсир ўтказиши мумкинлиги айтилмоқда. Торпедо минг метр чуқурликда 10 минг км масофага таъсир ўтказиши мумкин.