Россиянинг Волгоград шаҳридаги кўп қаватли бинолардан бирида маиший газ ускуналарининг икки маротаба кетма-кет портлаши оқибатида бинодаги 36 хонадон вайрон бўлиб, пастга қулади. Бу ҳақда шаҳарнинг Дзержинский тумани раҳбари Сергей Таций “Россия 24” телеканали эфирида хабар қилган.

Ушбу ҳалокат оқибатида 100 киши бошпанасиз қолган. Таций шаҳар маъмурияти уларга уй-жой тақдим этиши масаласини ҳал қилаётганини, бундан ташқари, уйда ёниб кетган ҳужжатлар оператив тартибда тикланиб беришини маълум қилди.
“Уй экспертизаси ўтказилиб, муҳандислик қарорлари қабул қилинади”, - қўшимча қилди амалдор. Айни пайтда қутқарув ишлари давом этмоқда.

Портлаш оқибатида 1-қаватдан 9-қаватгача бўлган хонадонлар устма-уст қулагани айтилмоқда.

Воқеа юзасидан жиноий иш қўзғатилган, тафтиш ва тергов ҳаракатлари олиб борилмоқда.

Интернетга воқеа жойида олинган видеолавҳа жойлаштирилди.