АҚШ Демократик партиясидаги дебатлар давомида АҚШ президенти лавозимига бир неча номзод бирваракайига Республикачилар партиясидан номзод Дональд Трамп ҳақида салбий фикр билдирдилар, деб хабар бермоқда CNN телеканали.

“У ИШИД учун яхши ёлловчига айланмоқда”, деб айтди Трампнинг мусулмонларни АҚШга қўймаслик ҳақидаги таклифига изоҳ бериб Хиллари Клинтон.

Ўз навбатида яна бир номзод Берни Сандерс паст маошлар миллиардер Трамп учун яхши ғоя бўлиб кўринаётганини айтди.

Мэриленд штатининг собиқ губернатори Мартин О'Мэлли дебатлар давомида миллат америка қадриятларини ирқчининг қўлига топширмаслиги кераклигини айтди. Унинг айтишича, “катта оғиз миллиардерларнинг фашистик ғоялари” олдида таслим бўлиш керак эмас.

Аввалроқ республикачи-номзод Жеб Буш Трампни нотавон деб атаганди.