Калифорния штати ҳукумати енгил моторли самолёт қулаши натижасида 5 киши ҳалок бўлганини маълум қилди.

Associated Press агентлиги хабарига кўра, Сан-Хосе шаҳридан ҳавога кўтарилган самолёт Лас-Вегасга учиш вақтида радардан йўқолиб қолган.

Кўп вақт ўтмасдан самолёт қолдиқлари Бейкерсфилд шаҳри яқинидан топилган. Қутқарувчи гуруҳ самолёт қулаган жойдан 5 кишининг жасадини аниқлаган.

Маҳаллий полиция шефи Марк Кингнинг хабар беришича, айни вақтгача марҳумларнинг шахсини аниқлашнинг иложи бўлмаган.