АҚШдаги эксплуатациядан чиқарилган Хэнфорд ядровий комплекси (Вашингтон) базасида боғ яратилади. Associated Press агентлигининг маълум қилишича, кейинги йили уни кўришга минглаб туристлар ташриф буюради.

“Ҳаммаёқ тозаланган, мутлақо бепул. Радиофаол моддалар узоқда жойлашган”, — деди АҚШ энергетика вазирлиги вакили Колин Френч.

Айтилишича, туристлар радиофаол чиқиндилар сақланаётган ҳудудга киритилмайди. Боғда эса олимларнинг ишини, 1945 йилда Хиросима ва Нагасакига ташланган атом бомбаси яратилиши тарихини кўрсатувчи экспозиция жойлаштирилади.