Европа Иттифоқининг Россияга нисбатан амалда бўлган иқтисодий санкциялари муддатини узайтириш тўғрисидаги қарори сешанба кунидан бошлаб кучга киради. Бу ҳақда РИА Новости хабар берди.

ЕИ мамлакатлари доимий вакиллари Кенгаши, жума куни 2016 йилнинг 31 январида тугаши кутилган санкциялар муддатини 2016 йилнинг 31 июлига қадар узайтиришни тасдиқлаган.

"21 декабрь куни ЕИ Кенгаши Россияга қарши иқтисодий санкцияларни 2016 йилнинг 31 июлига қадар узайтириш тўғрисида қарор қилишди", дейилади хабарда.

Украинадаги инқирозни бартараф этишга қаратилган “Минск шартномаси” 2015 йилнинг 31 декабригача тўлиқ бажарилмаслиги туфайли, санкцияларни узайтириш қарори қабул қилинганлиги таъкидланмоқда.

Санкциялар таркибига ҳеч бир ўзгартириш киритилмаган.