“Дайш ал-Фатҳ” гуруҳи жангарилари Суриянинг шимоли-ғарбидаги икки шиа туманида яшовчи тинч аҳолини эвакуация қилиш жараёнини тўхтатиб қўйди. Бу ҳақда ТАСС агентлиги хабар бермоқда.

Айтилишича, жангарилар Сурия қўшинлари билан тузилган маҳаллий тинчлик келишувини бузиб, ал-Фуа ва Кифрая аҳоли турар-жойларини ўққа тутди. Бунинг оқибатида бир киши ҳалок бўлди, яна бир киши яраланди.

20 декабрдан шиалар истиқомат қилувчи бир қанча туманлар аҳолиси эвакуация қилиниши айтилган эди. Халқаро қизил ярим ой жамияти 380 кишини уруш ҳудудидан олиб чиқишни режалаштираётган эди. Улар Байрут ва Дамашққа юборилиши лозим эди.