Канада мудофаа вазири Харжит Сажан Ироққа режадан ташқари сафар билан келди, деб хабар бермоқда CP24.

Таъкидланишича, курд ОАВлари маълумотларига кўра, вазир бутун кунни Эрбил шаҳрида ўтказган.

Маълум қилинишича, Сажаннинг Ироққа нима учун келгани номаълум, бироқ Эрбилда у курд ҳукумати вакиллари билан учрашган.

Октябрь охирида Канаданинг янги бош вазири Жастин Трюдо мамлакат ҳарбий-ҳаво кучларининг ИШИДга қарши ҳарбий операцияда иштирокини тугатмоқчи эканлигини айтган.
Таъкидланишича, Трюдо бу қарорнинг амалга оширилиши муддатлари ва бундан кейин Канадага коалицияда қандай роль берилиши ҳақида ҳеч нарса айтмаган.