КХДР етакчиси Ким Чен Инга бағишланган “Унинг эзгулиги” ва “Изингиздан абадий борамиз” қўшиқлари мамлакатда кенг оммалашди. Бу ҳақда Шимолий Корея Марказий Телеграф агентлиги хабар берди.

Агентлик ўтаётган йилнинг маҳаллий шоирлар ва бастакаорлар томонидан тайёрланган ватанпарварлик руҳидаги энг яхши қўшиқлари рўйхатини эълон қилди. Қайд этилишича, улар орасида Корея Меҳнат партияси ташкил топганининг 70 йиллигига бағишланган “Биз Пектусан тоғига йўл олдик”, “Ҳаётимизни тиксак-да инқилобий ишончдан воз кечмаймиз” қўшиқлари ҳам жой олган.

Мазкур рўйхатдан партия юбилейи муносабати билан Пхеньяндаги Тэдонган дарёси қирғоғида 10 минг артист иштирокида ижро этилган қўшиқ ҳам жой олган.
Агентлик иккита аёллар ансамбли – "Моранбон" ва "Чхонбон"нинг концерт фаолиятига катта баҳо берди.