Тошкентдаги хонадонлардан бирида 2 млн сўмлик техника ўғирлаб кетилди. Бу ҳақда “Огоҳ” нашри ёзмоқда.

Айтилишича, хонадон эгаси бўлган 50 яшар Зулхумор исмли аёл онасини кўргани келганидан хабар топган талончилар – коллеж талабаси Камолиддин ва унинг 20 ёшли шериги Иқбол уйга ўғриликка киришган.
Улар уйдан Nokia N-97, Samsung La Fleur телефонлари, HP ноутбуки ва 350 минг сўм пул ўғирлаб кетишган.

Ўғирликни аниқлаган аёл тегишли ташкилотларга мурожаат қилган. Жиноятчилар қўлга олингани, тергов ҳаракатлари кетаётгани маълум қилинмоқда.