ФИФА президенти Йозеф Блаттер ташкилот ахлоқ қўмитасининг уни 8 йилга футболдан четлатганига норозилик сифатида аппеляция билан чиқади. У бу ҳақида матбуот-анжуманида маълум қилган.

Блаттер дисквалификация борасида Лозаннадаги спорт арбитраж судига арз қилмоқчи. 

Эслатиб ўтамиз, олдинроқ Платини ҳисобига ўтказилган пуллар учун ФИФА ахлоқ қўмитаси Блаттер ва Платинини 90 кунга футболдан четлатган эди. Блаттер ва Платини сўроқ вақтида 2 млн франк миқдоридаги тўловга келишганини тан олди. Платини 1999-2002 йиллардаги иши учун 2011 йилда иш ҳақини олган.

Швейцария қонунчилигига кўра, ишчи келишувга кўра ўз вазифасини бажарганидан сўнг 5 йил давомида маошини олиши лозим ҳисобланади.

ФИФАнинг янги президенти учун сайлов 2016 йилнинг 26 февраль куни бўлиб ўтиши белгиланган.