Россиялик миллиардер Алишер Усмонов “Коммерсантъ Холдинг” акцияларининг 100 фоизи эгасига айланди. Бу ҳақда “Интерфакс” ахборот агентлиги “СПАРК-Интерфакс” маълумотлар базасига иқтибос келтирган ҳолда маълум қилди.

Холдинг бош директори Владимир Желонкин “Коммерсантъ Холдинг” ҳозирда “Коммерсантъ” газетасининг таъсисчиси “Коммерсантъ” АЖнинг ягона эгаси эканлигини айтди. Бунгача Усмонов ушбу холдингга Кипрнинг Kommersant Holding (Cyprus) Ltd. компанияси орқали эгалик қилган.